کیا آپ نے حال ہی میں یہ سنا ہے کہ مصنوعی ذہانت کے شعبے میں ایک نئی ٹیکنالوجی ابھری ہے جس نے سب کو حیران کر کے رکھ دیا ہے؟ یہ جنریٹو مصنوعی ذہانت کہلاتی ہے، اور یہ وہ کمپیوٹر پروگرام ہیں جو بالکل حقیقی لگنے والا مواد تخلیق کر سکتے ہیں، جیسے مضمون، تصاویر،اور یہاں تک کہ آواز بھی۔

یہ مشین لرننگ کے ذریعے کام کرتا ہے، جس میں کمپیوٹر کو موجودہ ڈیٹا سے سکھایا جاتا ہے اور پھر اس ڈیٹا کی بنیاد پر نیا مواد بنایا جاتا ہے۔

نومبر 2022ء کے آس پاس جب نے چیٹ جی پی ٹی جاری کیا تھا، تب سے جنریٹیو اے آئی نے عام لوگوں کی توجہ حاصل کر لی ہے۔ کے مطابق، اگلے آنے والے سالوں میں یہ ٹیکنالوجی دنیا کی معیشت میں ہر سال 2.6 سے 4.4 ٹریلیئن ڈالر تک کا اضافہ کر سکتی ہے۔

اور کااندازہ ہے کہ یہ آنے والے دس سالوں میں دنیا کی مجموعی ملکی پیداوار میں 7 فیصد تک کا اضافہ کر سکتی ہے، اور اور یونیورسٹی آف پینسلوانیا کی ایک مشترکہ تحقیق کے مطابق، یہ امریکہ میں 80 فیصد سے زیادہ ملازمین کے 10 فیصد روزمرہ کاموں یا ذمہ داریوں کو متاثر کر سکتی ہے۔ اسی تحقیق میں یہ بھی بتایا گیا ہے کہ 20 فیصد ملازمین ایسے ہیں جن کا 50 فیصد سے زیادہ کام براہ راست جنریٹیو اے آئی سے متاثر ہو سکتا ہے۔

ایسی تحقیق کی روشنی میں، یہ توقع کی جا رہی ہے کہ جنریٹیو اے آئی ہماری کام کی صلاحیتوں میں بہت زیادہ اضافہ کرے گی، لیکن ساتھ ہی یہ خدشہ بھی ظاہر کیا جا رہا ہے کہ یہ خودکار مشینوں کے ذریعے لوگوں کی ملازمتیں چھین لے گی۔

چاہے آپ بزنس مین ہوں، سائنسدان ہوں، انجینئر ہوں، ٹک ٹوکر ہوں، ادیب ہوں یا پھر کسی اور شعبے سے تعلق رکھتے ہوں، یہ کورس آپ کے لیے ہے۔ اس کورس میں ہم جنریٹیو اے آئی کی دنیا کو آسان اور سادہ الفاظ میں سمجھنے کی کوشش کریں گے۔ آپ کو کسی قسم کے ٹیکنیکل علم کی ضرورت نہیں ہو گی۔

چلیں! جانتے ہیں کے یہ کام کیسے کرتی ہے۔