جنریٹیو اے آئی ایک شاندار ٹیکنالوجی ہے، مگر یہ ہر کام نہیں کر سکتی۔ اس ٹٹوریل میں، ہم غور کریں گے کہ ایل ایل ایمز کیا کر سکتے ہیں اور کیا نہیں کر سکتے۔ آئیے پہلے یہ دیکھیں کہ ایل ایل ایمز کس طرح کام کرتے ہیں، اور اس کے بعد ہم ان کی کچھ مخصوص حدود کا جائزہ لیتے ہیں۔

ایل ایل ایمز کیا کر سکتے ہیں؟ اس کو سمجھنے کا ایک آسان طریقہ یہ ہے کہ خود سے پوچھیں: "کہ کیا ایک فریش کالج گریجویٹ، صرف ہدایات پر عمل کرتے ہوئے، وہ کام مکمل کر سکتا ہے جو آپ چاہتے ہیں؟" مثال کے طور پر

کیا ایک فریش کالج گریجویٹ ای میل پڑھ کر بتا سکتا ہے کہ یہ شکایت ہے؟ ہاں، وہ کر سکتا ہے، اور ایل ایل ایم بھی یہ کر سکتا ہے۔

کیا وہ ریستوران کے ریویو کو پڑھ کر بتا سکتا ہے کہ یہ مثبت ہے یا منفی؟ ہاں، وہ کر سکتا ہے، اور ایل ایل ایم بھی یہ کر سکتا ہے۔

اگر آپ اسے اپنی کمپنی اور سی او او کے بارے میں معلومات دیں تو کیا وہ پریس ریلیز لکھ سکتا ہے؟ ہاں، وہ کر سکتا ہے، اور ایل ایل ایم بھی یہ کر سکتا ہے۔

محدود علم: ایل ایل ایمز کا علم اس وقت تک کا ہوتا ہے جب تک ان کی تربیت ہوئی ہو۔ اگر وہ جنوری 2022 تک کے ڈیٹا پر تربیت یافتہ ہیں، تو وہ اس کے بعد کی معلومات نہیں جانتے۔

ایل ایل ایمز کی انپٹ اور آؤٹ پٹ کی لمبائی محدود ہوتی ہے، جو کہ چند ہزار الفاظ تک ہوتی ہے۔

ایل ایل ایمز ٹیبلر ڈیٹا (جیسے کہ ایکسل یا گوگل شیٹس) کے ساتھ اچھا کام نہیں کرتے۔ اس کے لیے سپروائزڈ لرننگ بہتر تکنیک ہے۔

اگر آپ ایل ایل ایم کو کسی حساس معاملے میں استعمال کر رہے ہیں، تو احتیاط ضروری ہے۔ بڑے ایل ایل ایم فراہم کرنے والے ڈویلپرز نے ان ماڈلز کی حفاظت پر بہت محنت کی ہے، اور وقت کے ساتھ ساتھ یہ ماڈلز زیادہ محفوظ ہو گئے ہیں۔

ہم نے دیکھا کہ ایل ایل ایمز کیا کر سکتے ہیں اور ان کی حدود کیا ہیں۔ اگلی ٹٹوریل میں، ہم کچھ تکنیکوں کا جائزہ لیں گے جو ان حدود کو عبور کرنے میں مدد کر سکتی ہیں۔

!اگر آپ کے اے آئی کے بارے میں کوئی سوالات ہیں، تو کمنٹس میں پوچھیں