آرٹیفیشل انٹیلیجنس ایک ایسا شعبہ ہے جو کمپیوٹرز کو انسانی ذہانت کی طرح سوچنے اور سیکھنے کے قابل بناتا ہے۔ آئیے دیکھتے ہیں کہ آرٹیفیشل انٹیلیجنس کی مختلف شاخیں کون سی ہیں اور وہ کیا کام کرتی ہیں۔

یہ ایسے کمپیوٹر پروگرامز ہیں جو ماہرین کی طرح کام کرتے ہیں اور مشکل مسائل کا حل نکالتے ہیں، جیسے ڈاکٹرز یا انجینیئرز کے کاموں میں مدد کرنا۔

مشین لرننگ میں کمپیوٹر خود سے سیکھتا ہے۔ اسے تین حصوں میں تقسیم کیا جا سکتا ہے۔
سپر وائزڈ لرننگ
اَن سپر وائزڈ لرننگ
رینفورسمنٹ لرننگ

اس میں کمپیوٹر کو پہلے سے معلوم ڈیٹا فراہم کیا جاتا ہے، اور وہ اس ڈیٹا سے سیکھتا ہے۔ مثال کے طور پر، اگر آپ کمپیوٹر کو ہزاروں تصاویر دیں جن میں کچھ پر "بلی" اور کچھ پر "کتا" لکھا ہو، تو کمپیوٹر ان تصاویر کو دیکھ کر بلی اور کتے میں فرق سیکھے گا۔

اس طریقے میں کمپیوٹر کو کوئی ٹیچنگ نہیں دی جاتی، بلکہ وہ خود ڈیٹا میں پیٹرنز اور گروپس تلاش کرتا ہے۔ مثال کے طور پر، اگر آپ کمپیوٹر کو صرف پھلوں کی تصاویر دیں، تو وہ خود ہی مختلف پھلوں جیسے سیب، کیلے اور آم کو الگ الگ گروپ میں تقسیم کر لے گا، بغیر یہ بتائے کہ یہ کون سا پھل ہے۔

اس میں کمپیوٹر کسی ایکشن کے بعد ملنے والے نتائج سے سیکھتا ہے، جیسے صحیح یا غلط کا فیڈبیک۔ مثال کے طور پر، اگر آپ ایک روبوٹ کو ایک میچ کھیلنا سکھا رہے ہیں، تو جب وہ صحیح حرکت کرے گا تو اسے انعام ملے گا، اور اگر وہ غلط حرکت کرے گا تو اسے نقصان ہوگا۔ اس طرح روبوٹ وقت کے ساتھ بہتر کھیلنے لگے گا۔

روبوٹکس میں ایسے روبوٹ بنائے جاتے ہیں جو خود سے کام کر سکتے ہیں، جیسے صفائی کرنے والے روبوٹس یا فیکٹری میں کام کرنے والے روبوٹس۔

کمپیوٹر وژن وہ تکنیک ہے جس میں کمپیوٹر تصویروں اور ویڈیوز کو سمجھتا اور پہچانتا ہے، بالکل جیسے انسان چیزیں یا چہرے دیکھ کر پہچان لیتے ہیں۔ مثال کے طور پر، کمپیوٹر وژن سے کمپیوٹر چہرے، گاڑیاں، یا کوئی اور چیز تصویروں میں دیکھ کر شناخت کر سکتا ہے۔

یہ شعبہ کمپیوٹرز کو اس قابل بناتا ہے کہ وہ انسانی زبان کو سمجھ سکیں، بول سکیں، اور جواب دے سکیں۔ اس میں مختلف کام شامل ہیں جیسے

بولی گئی بات کو لکھائی (ٹیکسٹ) میں بدلنا، جیسے کمپیوٹر آپ کی بات کو ٹائپ کر کے دکھائے۔

لکھے ہوئے الفاظ کو آواز میں بدلنا، جیسے کمپیوٹر آپ کو کوئی جملہ پڑھ کر سنائے۔

کسی لکھے ہوئے ٹیکسٹ میں سے ضروری معلومات نکالنا، جیسے ایک لمبے مضمون سے اہم باتیں تلاش کرنا۔

سوالات کے صحیح جواب دینا، جیسے آپ کوئی سوال پوچھیں اور کمپیوٹر فوراً صحیح جواب بتا دے۔

ٹیکسٹ کو مختلف حصوں میں بانٹنا، جیسے ای میلز کو "اسپام" یا "اہم" کے حصوں میں تقسیم کرنا۔

کمپیوٹر کی مدد سے خودکار طریقے سے نیا مواد تیار کرنا، جیسے آرٹیکل یا کہانیاں لکھنا۔

ایک زبان سے دوسری زبان میں ترجمہ کرنا، جیسے اردو کو انگریزی میں یا انگریزی کو اردو میں تبدیل کرنا۔

یہ تمام کام مشین لرننگ کی مدد سے ممکن ہوتے ہیں۔ مشین لرننگ کمپیوٹرز کو یہ سکھاتی ہے کہ وہ ڈیٹا سے سیکھیں اور خود بخود اپنی کارکردگی بہتر کریں۔ جب کمپیوٹرز انسانی زبان کو سمجھنے یا اس پر عمل کرنے کی کوشش کرتے ہیں، تو مشین لرننگ کے ذریعے وہ وقت کے ساتھ بہتر ہوتے جاتے ہیں۔ مثلاً، جب آپ بار بار اپنی آواز یا مخصوص الفاظ کا استعمال کرتے ہیں، تو مشین لرننگ کمپیوٹر کو ان پیٹرنز کو پہچاننے میں مدد دیتی ہے، جس سے وہ آپ کی بات کو زیادہ بہتر اور درست طریقے سے سمجھنے کے قابل ہو جاتا ہے۔

!اپنی رائے کا اظہار کمنٹس میں ضرور کریں